SURAT NANDE MAN ANAK

Img : Karo Siadi
Oleh : Simson Ginting Sinisuka

__SURAT NANDE MAN ANAK__
Nakku,
arah surat enda ate ku nuriken kerna cibal geluhku sipepagi nakku.
Ateku min nakku, km min pagi inganku metua.
Atekumin, aku tading itengah-tengah jabundu

Nakku,
kentisik nari aku go metua
Gegehku pe lana bo lit
Pembegiku pe go bagi sikurang
Pengangkai ku pe lanai bagi sigel-gel

Nakku,
kune pagi aku i lebuhndu
Nande,... nindu, nakku
La ku begi...
O Nande,.. nindu, nakku
La ku begi...
O Nande,...!! nindu, nakku
Epe la ku begi
Ola min kataken ndu
Ugakelnge pasekndu e nande..???!!!
Ola min bandu gelarku sipasek..

Nakku,
Kune pagi metumbursa akapndu aku itengah-tengah jabunndu
Tah mambur gia kuban pagi lau perburhen,
Tah ndabuh pagi kuban gelas tengah jabundu
Perbahan tan ku pe enngo enggir-gir
Ola min mis pagi katakenndu
Jange banndu matandu e nande???!!!
Ola min mis pagi aku jungutindu

Nakku,
Kune pagi ndabuh sontilku tengah jabundu
Ola min mis pagi katakennu
Pasek nari nge kam pe nande
Mela pe ku akap man jelma si enterem.
Tp ingetndu lah,
Ingetndu kitik belinna kekelengenku man bandu
Ingetndu kekelengenku mulai km kitik nari seh asa genduari
Ingetndu uga aku ngadep-ngadep kam nakku
Ija sanga kam kitik denga, Ija dagingndu melket aku simbersihisa
Ija daginngndu kote tangkelenku nge silanai jore
Kai si pindondu, asa ngasupku ku usahaken nakku
Kugengken ngutang raspe dagingku merance guna nehi pemindonndu nakku.

Nakku,
Kune pagi aku lanai lit i doni enda
Kune pagi aku enngo idilo Dibata
Ije pagi nakku
Kukataken pagi man Dibata
Kukusikken pagi man Malaikat
Bapa berekenndu min kemalemen ate man bana Bapa.
BerekenNdu min kejuah-juahen itengah-tengah jabuna Bapa
Gelah ola lit sinanggel ibas pusuhna Tuhan, keleng kel ate ku bana Bapa lebih arah daging ku jine...
- Enam ia teman jadi pelajarenta kerina,, uga akap kena,,,?
Artikel Karo Menarik Lainnya :
Post a Comment

Pages